Ciao liebi Morijaner

I bi a dä letschta Verastaltig vom Charles in Frauafeld dabi gsi.
Es isch überwältigend gsi und i danka Gott, dass ich ha törfa teilha, obwohl i kei körperlich Heilig brucht han.

Schön wärs gsi, wenn de Charles Ziit gha hetti, mit mir zreda! I het einigi Frog a ihn gha.

Wär genial, wenn ihr mir chönnted säga, wenn dä Charles wieder in Frauafeld isch oder wenns susch ä Möglichkeit git, ihn ztreffa.

Ganz en lieba und mit viel Liebi erfüllta Gruess an alli Morijaner

Hoi zäme...
Es lauft ja würkli gar nünt uf dem Gästebuech!!
Somit wünsche ich Eu eifach e gueti Wuche und en liebe Gruess
Be blessed

Liebi Morijaner-Frauä (alli andere goht da nüt a [:-0])

Am Sunntig, 2. Juli ab 15.00 Uhr findet ide Morija ä interni Kleider- und Schmucktuuschbörsä statt. Da heisst ihr misted eifach alli mol zünftig euen Kleiderschrank usä und nähmed mit, was ihr eh nüme alegged. Ide Morija wird denn frisch fröhlich unterenand ustuuscht, denn chömmer üs en Teil vom Geld für üsen Summerichauf sparä :o)

Igladä sind alli wiiblichä Morijaner incl. eui Fründinne und VIPs, damit mer die Lüüt wo eu ufem Herz ligged mol ganz neutral cha kennelerne. Ihr dörfed au cho wenn ihr nüüt zverschenkä hend, da isch ganz wichtig!! [:-)]

Aschlüssend so am 6i (18.00 Uhr) findet endlich en scho länger plantä SISSI-Obig statt (au nur für Fraue, au wenni animm, dass sich kein Ma freiwillig wör dött anewoogä [:-0]). Wer am Nomi nonig will cho chan au erst am Obig cho. Und wieder gilt, nämed mit wer ihr wönd...

Mir werded chli Snacks ichaufe, für de gross Hunger chamer sich ä Pizza bstellä. Ameldä mönd ihr eu drum nöd.

D Helen wird no es Mail usegeh, damits au jo alli läsed!

Also, i freu mi wenn ganz ganz vill Lüüt chömed [:-)]

Alles Liebi und sind mega fest gsägnet!!

Sarah

Hey liebi Morijaner!

Bi mir ide PHS findet nögstens ä mega cooli Uffüerig statt wo mir alli fliissig am Probä sind! S wird ä recht ä ufwendigi Sach mit em Namä "Back in Black". Ihr mönd eu so was mit Band und Tanz und Gsang und Solos vorstellä, echt cool! Drum lad i eu alli herzlich ii!!
D Iitrittschöstä sind 12.- (i ha mol ghörä sägä da Projekt chosti öppä 20'000 Fr.!!) und en Flyer heti au no, aber de chani do nöd driipackä.

Drum d Date halt eso:

Sa, 24. Juni 19.30
So, 25. Juni 17.00
Mo, 26. Juni 18.15
Mo, 26. Juni 20.30

Ort: Aula Hochschulgebäude Gossau

Vorverkauf: ab 14. Juni ide Verwaltig PHS St. Gallä oder bi mir oder susch gitts Tickets ade Obigkassä

[:-)][:-)][:-)][:-)][:-)][:-)][:-)][:-)][:- )][:-)]

CHÖMED DOCH ALLI, I WÖR MI MEGA FREUE!!!

eui Sarah

PS: Falls er de Flyer no wönd chani en mailä!

Hey Daniela-Abentürerin, lang ischäs gangä, bis ich din Gäschtebuechitrag (vom Februar) endlich gfundä han :-) Märci viiieelmol für din liäbä Gruess!

Ich wünsch oi ä super Ziit mitem Charles Ndifon!

Liebi Grüess

Maya

Hehe,für alli wo narnia cool gfunde hend.

The Chronicles of Narnia : Prince Caspian

Sell summer 2008 cho . also no es bitzeli warte *g*

defür do es bildli vom Buechumschlag. Wär denn s Buech nr. 4
[img=http://images-eu.amazon.com/images/P/3800020882.03 .LZZZZZZZ.jpg]Narnia[/img]

Hallo Leute!
Also das isch jetzt nöd min Papi wo schriebt, sondern d Evelyn *smile*... Han wele fröge, ob öpert vo oi zuefällig am Mäntignomitag so umdi 13.00h z Frauefeld am Bahnhof vorbi fahrt und det öpert chönt uflese für ad Power School...? Danke scho im Vorus a die wo sich melded! chönd mer susch au es sms schicke (d nr kenned er jo *grins*)...
Allne no es schös tägli! eve

Hoi zämä!
Mir verbringed do grad ä Studiewuche in Dütschland bimne Moor in Bad Buchau zum Thema "Raum- und Zeitreise ins Moor" und händ sogar Internet!!! ;-)
Mir händ Eu gärn!!!
än dicke Knuddel vo dä
Rahel

Ich bin ueber en link vom Charles Ndifon uf eui Page cho. Es stellt mi voll uf zlaese was bi eu so alles lauft. Mir hoffed bi de 'Power School' Endi Monet debi z'si. Ruth und Matthew

Hallo Zämä!

Bin über dä Tageslink vodä Godi-Frauäfäld-Page uf eu cho! Ihr schinäd ä cooli Gmeind zha! Wünsch Eu wiiterhin Gottes Sägä ufäm Wäg mit IHM!

Liäbi Grüäss us Schaffhusä,
Nico

Hoy mitenand

Jetzt hani grad mini Ergebnis vo mim Business Englisch-Test (wo für d LAP zellt) noglueget. Juhuuuuiiiiiiiii ich han bestande und das dank Jesus!!! Ohni d Understützig vom heilige Geist hetis nid gschafft, drum wetti ihn ganz fescht ehre und danke sege!! So cool, has jetzt eifach möse schriebe ;-)

Jo da wär alles für de Moment. Wünsch eu no en schöne Nomi.

+knuddel+

Hej, jetzt bin i s erschte Mal uf dere Homepage und ich find si eifach nume guet! Für ois chunnt d Morija-Gmeind leider nöd i Frag (mir wohned uf de andere Siite vom Albis), aber ich freu mi, dass es ihr so ernscht mit Gott meined und ihm voll vertraued! Mached wiiter so! Mir freued ois mega uf dä Charles Ndifon und mir sind geehrt vo dere VIP-Iladig, wo mir übercho händ! Ihr händ ächt super-Gmeind-Leiter!
See you soon, Vroni

hey ihr

so cool, hend sich scho vil agmolde (nur witerso) nur na schnell weg dä zit. i wür sege ab em 6i (18.00 Uhr) chänd er atrabewenn öper e fahrglegeheit ab em bhf wifelde brucht chan er sich bi mir melde.

cu und knuddels

cony

hallihalöchen! ich bins... also es isch e so am 22.05.06 (en mäntig obig) füür ich und mini klass es theater uf! und zwor isch das z hüttwile i de grosse turnhalle wer nid weiss wo das isch, es isch det wo ich id schuel gang, und wen ihrs immer nonig wüssed, den froged eifoch! :D vilicht chunt e antwort retur :P D' Türöffnig wär am 18.45 Uhr also mönd ihr mindestens e halb vorher det si das ihr en guete platz überchömed, will es chömed mega vil lüüt, wil ich meine ich spiel mit :P aber s theater selber fangt ersch am 19.30 Uhr a. wen ihr a dem datum nid chönd, den segeder halt ab :P nei seich, wen ihr eu das nid i richte chönd, wär s theater nomol än tag spöter am gliche ort um di glich ziit, nur vo minere parallelklass! und ich seg jetzt do so frech, mir sind besser! zu dem will ich de ganz ufwand mit mim text(ca. 6 sätz :P) nid ha, wen niemert chunt go luege, also chömed alli! es lohnt sich. flyer hets i de morija uf em rote gstell( das wo ich und de ander fabi a gmolet hend so schö rot, das isch ebe au no z erwähne:P) tschüsseli und es grüsseli vo mir :P

Hey, i ha do grad wölle minere Freud Usdruck geh, wiä cool dass is find, dass d'Sarah wieder do isch!!!

WELCOME BACK!!!

Sarah, Du häsch üs aso scho gfehlt, sowohl i de "ganze Morija" als au im Ziischtigs-Zwölfer (im andere sicher au! *g*) [8-)] Eifach mega schön, bisch wieder do!!!
(bisch tatsächlich so bruun wiänis erwartet han [;-L])

än ganz än dicke Knuddel a alli vo dä Rahel

Hello brothers and sisters [:-)]

Fiire am Sunntig, 7. Mai min 21ste Geburtstag und wür mi mega froie, wenn mer chli chäntet gmeinschaft fiire. Drum lad i eu alli ganz herzlich zum e gmuetliche Abig im US-Mex zWifelde i [8-)] (zahle mue jede selber, so rich bin i dän doch nöd). Für die wo nid wüsset wo: isch gad visavis vom Kino oder nehet em firehouse. Da i reserviere mue, wär i froh wenn i bis zum 27.04.06 wüssti, wievil Persone in etwa chämet. Drum bitte amelde (-->Natel 079/7970719 oder Email: cony.mueller@tralog.ch oder ganz aifach über die suuuper Morija website[:-0]).

Näheri Infos gits zum e spätere Zitpunkt.

Wünsch oi allne e gaaanz schöni und churzi Wuche


Knuddels Cony (Müller)

NB: Wer ez scho meint er müss mit eme Gschenk uftauche dem gib i en tip: es git gaanz vil armi Chind wo sich über e chlini (oder grossi) Spend froied, das wer sbesti Gschenk woner mir chänd mache. [:-0]

Wieso hets jetzt mich eifach vor d Myri aneklöpft? Naja... Hey, i ha eifach no all dene liebe Schätz wöle danke säge wo a min Geburi denkt hend und am To was mitgeh hend, i bi mega überrascht gsi und "overwhelmed"!!! Sooooooooo lieb!! Dankä vill vill vill mol!! Michèle, isch glaub din Chinderriegel gsi, bi nüm sicher... de isch jedefalls vom Hund gfressä wordä! [:-0] Naja...

Hey mini Schätz, i ha denkt i tue da jetzt eifach ufd Page... I bruch würkli dringend Gebet, i ha mer bim Tauche ä Ohreinfektion gholt und bi jetzt am so blödi Tablettli schlucke und Ohretröpfe neh (Sarah und Medikament, ihr chönd eu jo vorstelle we mich das agurkt!!). Jedefalls bruchi echt dringend Heilig, welli am Mäntig wött ines Flugzüüg stiige (uf Kuala Lumpur) und au welli mi nöd cha konzentriere wäg de Schmerze und i sött es Grobkonzept schriibe...

OK, wär echt froh wenn ihr au no chli chönted go stürme bi üsem geniale Gott...!! Ha denn übrigens paar mega cooli Zügnis zverzelle, also bis am Fritig (für die wo ufmöged, hehe) oder susch bis idä Church am Weekend...

Und vill Spass bide Myri ihrem Geburi... wör au gern cho [;-L]

hey my dear family...[:-)]

i wird am do 22(mega spannendi zahl, i know) und wür u gern mit eu uf mich *gg* nei uf üsi fründschafte und üsen geniale Gott astosse!! wür mi drum u freue, wenn ihr am dunnstig so uf di 10i (ihr chönd am friitig usschlofe und sind no jung ; )) id Loft Bar chämted (Walzmühlestross, bi bolliers idä nöchi) www.loft-frauenfeld.ch...
s' gitt möglichkeit (dä zwang nöd . ))zum s tanzbei zu latino musig z schwingä [:-)]

so...hope to see many of you
'cause my life'd be no life without you!
dicke knuddel
myri

Wer keine Freunde hat, lebt nur zur Hälfte...(frz. Sprichwort)

Guguseli!
Irgendwie han is Gfühl, ich sig im falsche Film: Hüt Morge han i müesse dur de Schnee stampfe, jetzt sitz i mit em ne warme Pulli vor em Cömpi (die hend doch bi üs scho d`Heizig abgstellt[:-0]) und jetzt redet die im Gäschtebuech no vo Samichläus...?! - Wiedermol Blindflug agseit: Nid uf da luege, wo dini Sinn säget, sondern uf da vertraue, wo Gott zuegseit het.[8-)]

En WARMherzige Gruess vom Simon

Hallo zäme!!!

Ich schlüss mich de Rahel ah mit de Samilchlauswahl! Ich sött grad eigentlich echli a minere Arbet schaffe, aber min volle Buch wett eifach nöd lerne..

Rico, mir würded üs uh freue, wenn du mal würdisch verbi cho! Denn chasch di sälber überzüge, dass alles wahr isch. S'Plänli finsch ja uf de Siite.. [8-)]

Ganz liebi Grüessli a alli,
Lexxxxx

Hoi zäme,

au wennis nöd uf di gliich Anzahl Kilometer schaff wie dSarah und de Claudio wünschi eu allne e geniali Ziit und Gottes Säge.
I bi do grad am Installiere vonere aktive Magnetfeldkompenation Also wer wüsse wett was das isch, chami ja wenni zrugg bi druf aahaue *grins*

Also macheds guet und bis bald

hey zämä dank minere muetter de mirjam giger han ich die site gfundä und i wött sege wenn das alles wohr isch wo ihr do verzellet denn würd ich eu sicher au cho bsueche cho ide morija
e schös grüessli vom rico

Hey mini Schaetz!!

Ha gad am Claudio sin Iitrag glaese und ich woett mich ihm eifach aschluesse. MANN WIENICH MINI GMEIND LIEBE!!!!
Ich han ide letschte Moenet eifach gmerkt was fuer es unglaublichs Privileg s isch i sone hammercooli Gmeind doerfe zgo mit Luet wos ernst meined mit Gott und I00% IHM woend norfolge und IHM alli Ehr geh!!!
S isch schad dassi ha moese so wiit weg go zum das wuerkli schnalle, aber jetzt isch mers I00% bewusst: IHR SIND ALLI SO MEEEGA LIECHT UF DERE WELT UND I MIM LEBE, DANKE VILLMOL!!! Wiiter so und wie am Simon sis Auto scho seit: 'focus on Jesus!'

Bis bald, freu mi abartig uf eu!!

PS: Happy Birthday Eve *knuddel* und fuer morn: Happy Birthday Philippe!! :o)[:-)]

Hoi Zämä!

Also sit hüt bini fesch devo überzügt, dass dä Matthias sich super wür als nöchschte Samichlaus mache! Zumindest dä bartwuchs klappet scho super!!! ;-)

Wünsche Eu allne ä gsägneti Ziit!
Eui Rahel

P.S.: Gsehsch, Simon, do häts jetzt scho än Gäschtebuechiitrag bezüglich dem Thema! *g*